تبديل منفذ HDMI (شاشة كحلة)
ابتداءً من 250 درهم
الـ PS5 ديالك كتشعل (ضو أزرق ولا بيض) ولكن ماباين والو فالتلفزة؟ غالباً منفذ الـ HDMI كيكون عواج ولا تطير من الكارط مير. حنا كنحيدو البور (Port) القديم بالصودور وكنركبو كونيكتور جديد وصحيح باش ترجع الصورة ناضية.
حل مشاكل السخونية وتبديل الميتال ليكيد
ابتداءً من 300 درهم
الكونسول ديالك كتغوت بحال الطيارة ولا كطفى بوحدها وكتعطيك ميساج ديال السخونية؟ كنديرو ديمونطاج كامل، كنقيو الرادياتور مزيان من الداخل، وكنبدلو الميتال ليكيد (فالـ PS5) ولا لاپاط تيرميك (Pâte thermique) باش ترجع الكونسول مبردة وساكتة.
إصلاح الكارط مير (Carte Mère) ومشاكل طاحون الضو (Alimentation)
ابتداءً من 200 درهم
الكونسول مابقاتش كتشعل كاع، ولا كدير "تيت" وحدة وكتطفى؟ بالماتريال ديال الدياكنوستيك لي عندنا، كنلقاو فين كاين الكور سيركوي (Court-circuit) وكنبدلو لي پيس (Puces) الخاسرين نيشان فالسيركوي. خدمة د المعقول ديال الحرايفية، ماشي غير كنجيو ونبدلو البلوك كامل.
إصلاح المانيطات (DualSense و DualShock 4)
ابتداءً من 100 درهم
الشخصية ديالك كتحرك بوحدها فالشاشة؟ هادا هو المشكل المعروف بالـ "Drift". حنا كنبدلو الميكانيزم الدخلاني (3D Analog) ببياسة جديدة بالمايكرو-سودور (Micro-soudure). وكنصلحو حتى البطونات L2/R2 المهرسين وكنبدلو الباتريات لي ماتو.