الأسئلة الشائعة (FAQ)
فين جا المحل ديالكم؟
المحل والورشة ديالنا NJ Store كاينين فالقنيطرة. تقدر تجي تاخد لاكوموند ديالك ديريكت من المحل (استلام من المحل)، ولا تجيب لينا الكونسول ديالك باش نديرو ليها الدياكنوستيك.
واش نقدر نخلص حتى توصلني السلعة؟
ضروري. باش تكون مرتاح ومطمئن، ما كتخلص لاكوموند ديالك حتى كتوصلك بين يديك (الدفع عند الاستلام).
واش كاين شي گارانتي (ضمان) على البياس والريباراسيون؟
معلوم، الكاليتي عندنا هي الأهم. الخدمة ديالنا فالمايكرو-سودور والبياس لي كنبدلو (بحال جويستيك Hall Effect ولا كونيكتور HDMI) فيهم الگارانتي ديال المحل.
شحال كياخد التوصيل وبشحال؟
كنوصلو لجميع المدن فالمغرب! عندنا التوصيل مع Cathedis بـ 39 درهم، ومع أمانة Amana بـ 59 درهم. كتوصلك الأمانة ديالك غالبا بين 24 و 48 ساعة على حساب مدينتك.
كيفاش ندير نصاوب الكونسول ديالي يلا ماكنتش ساكن فالقنيطرة؟
القضية ساهلة. تواصل معانا فالواتساب وشرح لينا المشكل (PS5, Switch, مانيطة...). من بعد تقدر تصيفط لينا الجهاز ديالك فـ أمانة. ملي كنصاوبوه ونطيسطيوه مزيان، كنرجعوه ليك فومبالاج ناضي!
شنو ندير يلا لقيت شي ديفو فالبرودوي لي شريت؟ (التبديل)
الراحة ديالك هي الأهم عندنا. يلا خديتي شي برودوي من السيت ديالنا ولقيتي فيه شي ديفو ديال الشريكة، تواصل معانا ديريكت فالواتساب فظرف 7 أيام من بعد ما تستلمو. الفريق التقني ديالنا غادي يفيريفي المشكل ونبدلوه ليك بالزربة.