مرحبا بكم فالسيت ديال NJ Store. هاد الشروط العامة للبيع كتنظم عمليات شراء المنتجات (اكسسوارات، بياس) والخدمات (ريباراسيون، مايكرو-سودور) لي كيدارو فالسيت ديالنا ولا فالورشة ديالنا فالقنيطرة.

البند 1: الثمن والأداء الأثمنة ديالنا كلها بالدرهم المغربي (MAD). باش نضمنو الراحة ديال الكليان، كنخدمو بـ "الدفع عند الاستلام". يعني كتخلص لاكوموند ديالك كاش حتى كتوصلك بين يديك مع الليفرور ولا ملي كتجي تاخدها من المحل.

البند 2: التوصيل كنوصلو السلعة لجميع مدن المغرب مع الشركات لي كنتعاملو معاهم (Cathedis و Amana). غالبا كيوصلك الكولي فظرف 24 حتى 48 ساعة. NJ Store كتدير جهدها باش تصيفط لاكوموند فالبلاصة، ولكن مانتحملوش مسؤولية التعطال يلا كان من عند شركة التوصيل.

البند 3: خدمات الإصلاح والمايكرو-سودور

• - الدياكنوستيك: أي جهاز وصلني كديرو ليه دياكنوستيك وكنعطيوك دوفي (ثمن الإصلاح) قبل ما نخدمو فيه.

• - مخاطر المايكرو-سودور: الخدمة المعقدة فـ الكارط مير (Carte mère) فيها ريسك. ملي كتقبل الدوفي، كتقبل بلي NJ Store ماشي مسؤولة يلا كان الجهاز أصلا واكل الدق بزاف أو فازگ (oxydé) ومابغاش يخدم بصفة نهائية فمحاولة الإصلاح.

• الأجهزة لي ماخداوهاش مواليها: أي جهاز دازت عليه 60 يوم من نهار علمناك بلي راه واجد ومابقيتيش س سولتي فيه، كيتعبر متخلى عليه.

البند 4: التبديل والضمان (الگارانتي)

• - السلعة الجديدة: يلا شريتي شي برودوي ولقيتي فيه ديفو ديال الشريكة، عندك 7 أيام من نهار استلمتيه باش تطلب التبديل. السلعة خاصها ترجع فلومبالاج ديالها.

• - گارانتي الإصلاح: الخدمة ديالنا فيها گارانتي (المدة كتكون مكتوبة فالفاتورة). هاد الگارانتي كيشمل غير البياسة لي بدلنا والخدمة ديال يدنا. الگارانتي كيطيح يلا تحل الجهاز من عند شي واحد أخر، ولا طاح، ولا تقاس بالما من بعد ما صاوبناه.

البند 5: النزاعات فحال وقع شي مشكل، ديما كنقلبو على الحل الودي هو الأول. يلا ماتفاهمناش، المحاكم ديال القنيطرة هي لي مكلفة.