فـ NJ Store (لي كاين فالقنيطرة)، كنعطيو أهمية كبيرة لحماية المعلومات الشخصية ديالك. هاد الصفحة كتشرح ليك شنو هما المعلومات لي كنجمعو ملي كتدخل للسيت ديالنا، كيفاش كنخدمو بيهم، وكيفاش كنحافظو عليهم.

1. المعلومات لي كنجمعو ملي كتدوز شي كوموند، ولا كطلب دوفي ديال الريباراسيون، ولا كتهضر معانا فالواتساب، كنقدرو نطلبو منك هاد المعلومات:

• الاسم والنسب

• رقم التليفون (واتساب)

• العنوان فين غنوصلو ليك السلعة

• معلومات على الجهاز ديالك (النوع ديال الكونسول، والمشكل لي فيه)

2. كيفاش كنستعملو هاد المعلومات؟ المعلومات ديالك كنخدمو بيهم غير باش نقدمو ليك خدمة نقية:

• نوجدو ونصيفطو ليك لاكوموند ديالك.

• نتواصلو معاك على قبل الدياكنوستيك ولا فين وصلات الريباراسيون ديال جهازك.

• نصيفطو ليك معلومات على التوصيل (الروتور، التتبع).

3. معامن كنشاركو معلوماتك؟ حنا عمرنا ما كنبيعو ولا كنكريو المعلومات ديالك لشي جهة أخرى. المعلومات ديالك (السمية، العنوان، النمرة) كنشاركوهم غير مع شركات التوصيل لي كنتعاملو معاهم (Cathedis, أمانة) غير باش يقدرو يوصلو ليك الأمانة ديالك حتى للدار.

4. الحماية ديال معلوماتك كنديرو گاع المجهودات ديالنا باش نحميو معلوماتك من أي اختراق. السيت ديالنا كيخدم بـ HTTPS، يعني أي حاجة كتدخلها (فالسلة ولا فالفورميلير ديال الدوفي) كتكون مشفرة ومحمية 100%.

5. الحقوق ديالك من حقك فأي وقت تطلب منا نبدلو ولا نمسحو المعلومات الشخصية ديالك من السيت. باش دير هادشي، يكفي تواصل معانا ديريكت فالواتساب.